အာဏာရှင်စစ်အုပ်စု ကျောထောက်နောက်ခံ မြန်မာအစိုးရသည် ဃနီဗ္တ တွင် ထားရှိခဲ့သည့် ကတိကဝတ်ကို ထိန်းသိမ်း လုပ်ဆောင်ရမည့် အမျိုးသမီးအခွင့်အရေးနှင့် ကျားမတန်းတူရေး တို့ကို ထိရောက်စွာမြ‡င့်တင်ရန် ၂၀၁၀ ရွေးကောက်ပွဲ ကတည်းကပင် ပျက်ကွက်ခဲ့သည်။ အိမ်တွင်းအကြမ်းဖက်မှု ကို ပြစ်မှုဆိုင်ရာဥပဒေအဖြစ် သီးသန့်ပြဌာန်းခြင်းမရှိသေးသည့် အာဆီယံနိုင်ငံများအနက် နှစ်နိုင်ငံ သာ ကျန်ရှိရာ ထိုအထဲတွင် မြန်မာနိုင်ငံပါဝင်လျှက်ရှိသည်။ ္စ္တဥ သုတေသနပြုချက်အရ    ရှမ်းပြည် မြောက်ပိုင်း ပလောင်လူမျိုးများ အများစုနေထိုင်ရာဒေသများတွင် အိမ်တွင်းအကြမ်းဖက်မှုနှင့် အမျိုးသမီး အခွင့်အရေးတို့နှင့်ပတ်သက်သည့် အသိပညာ စွမ်းရည်မြ‡င့်တင်သည့် အစိုးရဦးဆောင်သောလုပ်ငန်းစီမံ ကိန်းများမရှိပါဟု ဖော်ပြထားသည်။
ပလောင်ဒေသအတွင်းတွင် ဖြစ်ပွားနေသော အိမ်တွင်းအကြမ်းဖက်မှုများကို ထပ်ဆင့်တိုးပွား စေမည့် စီးပွားရေး၊ လူမှုရေးအကျပ်အတည်းများကို အစိုးရသစ်မှ ကိုင်တွယ်ဖြေရှင်းခြင်းမျိုးများ မတွေ့ရှိ ရသေးပေ။ အစိုးရမှ လက်ဖက်စက်ရုံများကို ချုပ်ကိုင်ချယ်လှယ်ခြင်းရလာဒ်ကြောင့် ပလောင်ပြည်သူ လူထုများမှာ စီးပွားရေးဖိစီးမှု ဒါဏ်ကိုခံနေကြရပြီး၊ ၂၀၁၀ ရွေးကောက်ပွဲကတည်းက ပလောင်ဒေသတွင် ဘိန်းစိုက်ပျိုးရေး နှင့်မူးယစ်ဆေးဝါးသုံးစွဲမှုများလည်း တိုးများလျှက်ရှိသည်။ အမျိုးသားများသည် ယင်းတို့၏ ကျပ်တည်းမှု အခြေအနေများကို မကျေမနပ်ဖြစ်ပြီး ဒေါသထွက်ပေါက်အဖြစ် ရုပ်ပိုင်းဆိုင်ရာအကြမ်းဖက်မှု များ အဖြစ် လုပ်ဆောင်တတ်ကြသဖြင့် ထိုအချင်းအရာများသည် အိမ်တွင်းအကြမ်းဖက်မှုပြ±နာများ တိုက်ရိုက်ဖြစ်ပေါ်စေပါသည်။
မြန်မာနိုင်ငံတွင် အမျိုးသားကြီးစိုးလွှမ်းမိုးထိန်းချုပ်သည့် ဓလေ့ယဉ်ကျေးမှု၊ အကြောက်တရား နှင့် အကြမ်းဖက်မှုတို့ကို ဆယ်စုနှစ် ငါးစုကျော်ကြာဖြစ်ပွားခဲ့သည့် ပြည်တွင်းစစ်မီးက ပေါက်ပွားစေခဲ့ ပါသည်။ ပလောင်လူထုရှိ အထူးသဖြင့်အမျိုးသားများမှာ ဤယဉ်ကျေးမှုနှင့်ယဉ်ပါးနေပြီး ယင်းတို့၏ မိန်းမများအပေါ် အာဏာပြသရန်အတွက် အကြမ်းဖက်ခြင်းများပြုလုပ်ရန် လိုအပ်သည်ဟု ရှုမြင်ကြ သည်။ ထိုနည်းတူစွာပင် တိုင်းရင်းသားလူမျိုးများကိုလည်း အကြမ်းဖက်ခြင်းဖြင့် မြန်မာအစိုးရက လုပ်ပိုင်ခွင့်အာဏာ ပြသလျှက်ရှိသည်။ မြန်မာအစိုးရသည် အကြမ်းဖက်သည့်ယဉ်ကျေးမှုကို အဆုံးသတ်
၅
ရန် ရည်ရွယ်ချက်ရှိဟန်မတူပဲ ရှမ်းပြည်မြောက်ပိုင်းရှိ တိုင်းရင်းသားလက်နက်ကိုင်တပ်ဖွဲ့များအပေါ် ထိုးစစ်များဆက်လက် ကျူးလွန်နေပါသည်။