ရွေးကောက် တင်မြှောက်လိုက်သည့် ကိုယ်စားလှယ်များဖြင့် လွှတ်တော်ခေါ်ယူ ပေးမည်ဆိုခြင်း၊ ပြည်သူ့လွှတ်တော် ကိုယ်စားလှယ်များမှ ဖွဲ့စည်းပုံ အခြေခံဥပဒေ ရေးဆွဲရန် တာဝန်ရှိသည်ဆိုခြင်းကို ၁/၉၀ ဖြင့် နဝတမှ ကတိကဝတ်ပြုခဲ့သည်။ ရွေးကောက်ပွဲရလဒ်ကို ပြည်ထောင်စုမြန်မာ နိုင်ငံအစိုးရ တရားဝင်ပြန်တမ်းတွင် ထည့်သွင်း ဖော်ပြခဲ့သည်မှ လွဲ၍ လွှတ်တော် ခေါ်ယူပေးခြင်း အလျဉ်းမရှိခဲ့ပေ။

ပြည်သူ့လွှတ်တော် ခေါ်ယူကျင်းပရေး လုပ်ငန်းစဉ်ကို တိုက်ဖျက်ရန်နှင့် တိုင်းပြည်ကို စစ်အာဏာရှင် စနစ်ဖြင့် တရားဝင် ဆက်လက် အုပ်ချုပ်ခွင့်ရရန် စသည့်ရည်မှန်းချက် များဖြင့် “အမျိုးသားညီလာခံ” ကို (၁၉၉၃) ခုနှစ် ဇန်နဝါရီလ (၉) ရက်တွင်စတင် ခေါ်ယူကျင်းပခဲ့သည်။ အမျိုးသားညီလာခံ၏ လုပ်ထုံးလုပ်နည်းများသည် ဒီမိုက ရေစီနည်းလမ်းမကျသဖြင့် ပြန်လည်သုံးသပ်ပြင်ဆင်မှုများလုပ်ဆောင်ရန် တင်ပြ ချက်များကို အာဏာပိုင်များဘက်မှ ပျက်ကွက်ခဲ့ခြင်း ကြောင့် အမျိုးသားဒီမိုကရေစီ အဖွဲ့ချုပ်နှင့် ရှမ်းအမျိုးသား ဒီမိုကရေစီအဖွဲ့ချုပ်  တို့က ညီလာခံမှ သပိတ်မှောက် ထွက်ခွာခဲ့ကြသည်။ အမျိုးသားညီလာခံကို ဆန့်ကျင်ဝေဖန်မှုများ အား အရေးယူနိုင်ရန်အတွက် ဥပဒေအမှတ် (၅ /၉၆) ကို ထုတ်ပြန်ခဲ့သည်။

 

အပြည့်အစုံဖတ်ရန် ဒေါင်းလုဒ် ရယူပါ။